Um mig

Af hverju ég valdi þjálfun?

Ég heiti Eva Dís, menntaður einkaþjálfari frá Einkaþjálfaraskóla World Class og með áralanga reynslu í heilsu- og líkamsræktargeiranum. Síðustu fimm ár hef ég starfað sem hóptímakennari hjá World Class, þar sem ég hef hjálpað fjölmörgum einstaklingum að ná sínum markmiðum í styrktar- og þolþjálfun.

Ég hef alla tíð haft mikla þörf fyrir hreyfingu og hef sennilega prófað allar íþróttir sem hafa verið í boði. Ég er mikil pepp- og stemningskona. Árið 2020 ákvað ég að snúa ástríðu minni fyrir hreyfingu í starfsferil. Ég byrjaði sem hóptímakennari hjá World Class, sem ég hreinlega elska, og í kjölfarið tók ég skrefið lengra og fór í Einkaþjálfaraskólann þeirra árið 2022.

Ég hef mikla ástríðu fyrir að hjálpa fólki að ná árangri í hreyfingu og trúi því að rétt nálgun, stuðningur og persónuleg aðlögun skipti öllu máli þegar kemur að heilsu og vellíðan. Þess vegna stofnaði ég EVAD.IS til að veita faglega og sérsniðna þjálfun sem hentar þínu lífi, hvar sem þú ert.